Kua mana ngā rā o Te Wiki o te Reo Māori 2024

11 April 2024

Nō te rangi nei i tau i Te Taura Whiri i te Reo Māori ngā rā ka tū tētahi o ngā whakanuinga hirahira rawa o te reo Māori.

Ā te 14 atu ki te 21 o Hepetema 2024 ka tū Te Wiki o te Reo Māori, ā, hei te Rāhoroi te huringa tau 52 o te Pētihana Reo Māori.

I te 14 o Hepetema 1972, i whakatakotoria e Ngā Tamatoa, Te Hōhaieti o Te Reo Maōri o Te Herenga Waka, rātou ko Te Mana Ākonga te petihana me ngā waitohutanga nui ake i 30,000 ki te Pāremata. Ka mutu, ka kīia taua rā anō ko Te Rā o te Reo Māori.

I ēnei wā, whakanuia ai Te Wiki o te Reo Māori e te tini me te mano puta noa i te motu. Mai i ngā kura, ngā pakihi, ngā rōpū hapori, te ao pāpāho tae atu ki ngā tīma hākinakina.

Ka puta he pānui anō mō Te Wiki o te Reo Māori hei ngā marama e tū mai nei.

Te Wiki o te Reo Māori 2024
14 – 21 Hepetema, 2024

Putunga rongo hou

Ngā Tohu Reo Māori: Kua tukuna ngā tohu oranga angitu ki ngā wāhine rangatira tokotoru

I riro i tētahi kaikōkiri i ngā take hauora Māori, i tētahi ika a Whiro i te ao pāpāho, me tētahi toka tū moana o te Kōhanga reo, te tohu nui whakaharahara katoa o te pō whakanui i Ngā Tohu Reo Māori.

April 2024

Kua hoki mai Ngā Tohu Reo Māori

He taiopenga ā-tau Ngā Tohu Reo Māori e whakanui ana i ngā haumāuiui a tētahi tangata, a tētahi whakahaere hoki, kua nui nei te whakapau kaha mō te whakarauora, mō te whakamāori hoki i te reo Māori te take.

October 2023

Takuate ana a Te Taura Whiri i te Reo Māori mō te Toihau o mua, mō Tākuta Hohepa

He maimai aroha ki a Tā Patrick Patu Wahanga Hohepa KNZM (1936 - 2023). E taka ana a roto i te pā mai o te rongo kua riro tētahi o ngā tino pou o te reo Māori, me tētahi o ngā toihau o mua o tēnei tari. Ka nui te aroha ki te whānau o Tā Patu Hohepa (Ngāpuhi, Te Māhurehure me T...

September 2023

Kua 36 tau te reo māori e noho ana hei reo ā-ture

Ko te mahi tuatahi a te poari tuatahi o Te Komihana mō te Reo Māori i tā rātou hui tuatahi he panoni i tōna ingoa ki tētahi ingoa Māori: ki Te Taura Whiri i te Reo Māori.

August 2023

HE WHAKAARO: taku māharahara tēnā i taku tū hei "toa".

Kei te takiwā o te 3000 ngā reo taketake kei te pari o te rua o Mate. Ka tuhia e Rawinia Higgins, te Toihau o Te Taura Whiri i te Reo Māori, tētahi tuhinga whakaaro mō te tawhiti o tā tātau haere ki te whakahaumaru i te reo, ā, he roa tonu a raro.

February 2023

Kua mana ngā rā o Te Wiki o te Reo Māori, 2023.

E hurō ana a Te Taura Whiri i te Reo Māori ki te pānui kua mana ngā rā o Te Wiki o te Reo Māori, 2023.

February 2023

He karere nā King Charles III

I tēnei rā o Waitangi, taku tuatahi hei Kīngi mō Aotearoa, ka rere atu aku oha nui ki ngā tāngata katoa o Aotearoa.

February 2023

E whakanui ana i ngā takoha hikuroa ki te whakarauoratanga o te reo Māori

Ko ngā kaupapa whawhati ngaru mō te reo Māori ērā i whakanuia ki Ngā Hōnore Reo Māori o te tau nei i tū ināpō ki roto o Tāmakimakaurau.

December 2022

He kōrero atu anō